மாட்டிறைச்சியின் சுகந்தமென்பதை
எந்த வார்த்தையில் விளக்கலாம் என
அவ்வை குறிப்பெடுத்துக் கொண்டிருந்தாள்
வெள்ளைக் குளவியின் பீ
எதை எழுதினாலும்
எழுத்துகள் இப்படித்தான் பிரகாசித்தன
என்னை யாசித்தாலும் அது அப்படித்தானிருக்கும்
ராசேந்திரன் கண்ணீர் வெங்காயம்
நாற்றமெடுக்குமென
கி மு 851 ல் நான் சொன்னதை
நம்பாத மிஸ்டர் தஸ்தயேவ்ஸ்கி
பிரயோகித்த வசைச் சொல்லின்
மீளுருவாக்கமே சனநாயமென்பதை
இயலுணர தண்டி யாத்திரை போனதாக
காந்தி டைரிக் குறிப்பில்
குறித்து வைத்திருக்கிறார்
நம்ப முடியாதவர்கள் விளங்குவீராக
விவரிக்க முடியாத நிறங்களை
பெயரிட்டழைத்து
வீச்சை சுருக்கும் என்னமெனக்கில்லை
காலத்தைப் புணர்ந்தீர்களால்
உங்களுக்கு இது
புரியக் கூடும்
2 comments:
புரிந்த மாதிரி இருக்கிறது ஆனால் புரியவில்லை...
வருகைக்கு நன்றி சவுந்தர்
Post a Comment